Altsüdmittelfränkischer Psalm 1 altsüdmittelfränkisch

Salig man ther niuueht vor in gerede ungenethero, endi in uuege sundigero ne stunt inde in stuole sufte ne saz. navo in euun godes uuille sin: inde in euuun sinro thenken sal dages inde nahtes. Inde uuesan sal also holz that gesazt uuart bi fluzze uuazzero, that uuahsemon sinan gevan sal in stunden sinro; inde louf sin niuueht nithervallan sal, inde alla so uuelih so duen sal gesunt uuerthan sulen. Niuueht so ungenethe, niuueht so: nova also stuppe that foruuirpet uuint fan anlucce erthen. Bethiu ne up standunt ungenethege in urdeile, ne och sundege in gerede rehtero, uuanda uuez got uueh rehtero, in geverthe ungenethero feruuerthan sal.

Aus: Niemeyer Verlag Althochdeutsches Lesebuch