Contra paralysin theutonice
11. Jahrhundert Bern

Siuuelich mán odor wîb firgihdigód uuerde. zéseuuen
hálbun. so lâza man ímo in déro uuínsterun hénde an demo
ballen. des minnisten uingeres. unde ane dero minnistun
cehun ballen. des zeseuuen fûozes. Ob ez imo abor


5

uuinsturunhalbun si. so lâze man imo in der ceseuuen hende
ane demo ballen des minnisten uingeres. unde an dero
uuinsterun minnistun cehun ballen. Dare nach neme man
haberen gedrosgenan unde ungedrosgenan. unde adech.
unde ebah. unde uarn. unde emeizun. unde uueremuodun.


10

unde heidernezzelun. unde mache ein bahd unde bade in
demo drie daga. vnde nemo danne gingibern. uuîn. unde
honak. unde dero uuizun uuidun loub. unde kirseboumes
loub. unde phirsihboumes loub. unde salbeiun. unde
rutun. unde storchessnabel. unde berehtram. unde mideuuirz.


15

iegeliches einero unzun geuuiht. unde mache ein
drank. unde drinke daz in demo uuarmen bade. so uuird es
imo buoz.



Aus: Reclam Althochdeutsche poetische Texte
Handschrift: Bern Burgerbibliothek Rolle des Grafen von Mülinen Z.775-791